Bomu larushwa kanisani Arusha, mmoja afariki wengine kujeruhiwa!

Mtu mmoja amefariki dunia na wengine 59 kujeruhiwa akiwamo Balozi wa Vatican na Mwakilishi wa Papa nchini Tanzania, Askofu Mkuu Francisco Montecillo Padilla jana asubuhi baada ya mtu asiyejulikana kurusha bomu wakati wa sherehe ya uzinduzi wa Jengo la Kanisa la Parokia ya Mtakatifu Joseph Mfanyakazi, Olasiti, Arusha.

Miongoni mwa majeruhi, imeelezwa kuwa wanne ni mahututi.Kamanda wa Polisi wa Mkoa wa Arusha, Liberatus Sabas amelielezea kuwa tukio hilo kuwa ni la kigaidi hasa kutokana na kumlenga Balozi wa Papa nchini na kwamba mtu mmoja anashikiliwa akihusishwa nalo.

Wataalamu wa mabomu wa Jeshi la Wananchi Tanzania (JWTZ) wanachunguza aina ya bomu lililotupwa lakini uchunguzi wa awali unaonyesha lilikuwa limetengenezwa kienyeji.

Watu walioshuhudia tukio hilo wanasimulia kuwa bomu hilo lilirushwa yapata saa nne asubuhi wakati mgeni rasmi akijiandaa kufungua jengo la kanisa baada ya ujenzi wake kukamilika.

Shambulio hilo lilitokea wakati balozi huyo akiwa amesimama na mwenyeji wake, Askofu Mkuu, Josephat Lebulu, mapadri na watawa kutoka mashirika mbalimbali ya Jimbo Kuu la Arusha kwa ajili ya kukata utepe wa uzinduzi.

Kamanda Sabas alisema mtu aliyerusha bomu hilo alitokea nyuma ya kanisa hilo la ghorofa na kurusha bomu hilo kwa mkono wa kulia... “Alifanya jitihada za kupenya ili awafikie viongozi lakini alishindwa kutokana na wingi wa waumini waliokuwapo kwenye eneo hilo.”

Padri Moses Mwaniki aliyemshikia Balozi Padilla maji ya baraka yaliyotumika kubariki kanisa hilo, alisema kilichosaidia bomu hilo kutomfikia mwakilishi huyo wa Papa ni kutua mgongoni mwa mmoja wa waumini na kuanguka chini kabla ya kulipuka na kujeruhi watu.

“Ingawa hatuwezi kusema kwa uhakika, tunaamini mlengwa mkuu alikuwa mgeni wetu, Balozi Askofu Mkuu Padilla. Tunatakiwa kuliombea sana Taifa liondokane na matukio mabaya kama haya,” alisema Padri Mwaniki.

Baada ya tukio hilo, Balozi Padilla, Askofu Lebulu na viongozi wa kanisa hilo waliondolewa na kuhifadhiwa katika moja ya vyumba vya kanisa hilo kabla ya kutolewa kwenye eneo hilo yapata saa 5.30 asubuhi chini ya ulinzi mkali wa polisi.

Msemaji wa Kanisa Katoliki, Jimbo Kuu la Arusha, Padri Festus Mangwangi alisema aliyerusha bomu hilo alishuhudiwa na mtoto mdogo aliyekuwapo kanisani hapo.

Mapaka sasa mtu mmoja ashikiliwa na  Jeshi la Polisi kwa wa uchunguuzi wa tukio hilo

Baada ya bomu kuulipuka na jereuhi watu,watu wakikimbia kutafuta msaada katika sherehe hiyo.

Mahali ambapo inasemekana bomu lililipuka

Kanisa ambalo mbele yake ndio ilikuwa inafanyika sherehe hiyo na bomu kulipuliwa

Makamu wa Rais Dk. Gharibu Bilal akimsikiliza Askofu mkuu wa Kanisa la KKKT Tanzania Askofu Dk Alex Malasusa akizungumza katika matukio hayo kusho wakati akizungumza na majeruhi na wafiwa waliopteza ndugu katika milipuko ya mabomu iliyotokea leo jijini Arusha

Waandishi wa habari Afrika Mashariki watakiwa kuepuka habari za uchochezi

Dk. Richard Sezibera

Waandishi wa Habari wa nchi za Afrika Mashariki wametakiwa kuzitangaza nchi zao kwa kuandika habari zenye kuleta tija kwa taifa husika na kuepuka habari za kuharibu amani.

Wito huo umetolewa jana na Katibu Mkuu wa Jumuiya ya Afrika Mashariki, Dk. Richard Sezibera, wakati alipokuwa akifungua mkutano wa Afrika wa siku mbili wa maadhimisho ya Siku ya Uhuru wa habari duniani, unaofanyika mjini hapa.

Alisema kuwa umuhimu wa vyombo vya habari duniani ni mkubwa na hasa nchi za Afrika Mashariki, kwa kuwa zaidi ya watu milioni 33 Afrika Mashariki wanategemea vyombo vya habari kupata habari za nchi zao.

“Kutokana na hili naomba sana nyie waandishi wa habari nchi hizi muunganishe nguvu kwa kuzitangaza nchi zenu mambo mazuri kama vivutio vya asili na vingine, ili pia muweze kuwabadilisha viongozi pale wanapokwenda pabaya,” alisema.

Dk. Sezibera, alisema habari zinapatikana kupitia simu na kompyuta yenye mitandao ya jamii, hivyo kikubwa kuhakikisha wanahabari mnadumisha amani kwa kuandika mazuri ya nchi zenu. Akitoa mfano alisema uchaguzi wa Kenya kila mtu aliyekuwa nje ya nchi hiyo aliweza kufuatilia uchaguzi huo mwanzo hadi mwisho, kupitia vyombo vya habari, hivyo ni jambo la kupongezwa.

Aidha aliwasihi wanahabari, kujenga utamaduni wa kuandika kwa wingi matukio yanayofanyika nchi za Afrika Mashariki, badala ya kutegemea kupata habari za nchi zao kupitia CNN.

“Mimi nasikitika sana kuona habari za nchi zetu hizi za Afrika Mashariki zinaelezewa kwa kiasi kikubwa na nchi zingine, jamani tubadilike,” alisisitiza.

Aliwapa pole waandishi wa habari wote waliopatwa na majanga, vifo mbalimbali wakati wa ufanyaji wa kazi zao.

Naye Katibu Mkuu wa Umoja wa Mataifa, Ban Ki-Moon na Mkurugenzi Mkuu wa UNESCO, Irina Bokova, ametoa ujumbe wake uliosomwa na Vibeke Jensen na Mkurugenzi wa UNESCO, kwenye maadhimisho hayo. Alisema uhuru wa kujieleza kama unavyoelezwa kwenye kifungu cha 19 cha tamko la ulimwengu la Haki za Binadamu ni muhimu kuwawezesha watu na kujenga jamii huru na za kidemokrasia.

Alisema Ikiwa ni haki ya msingi, haki hii ya kujieleza pia ndani yake ina maelekezo ya jinsi ya kulinda na kuendeleza haki nyingine zote za binadamu.

“Lakini utekelezaji wake hauji tu, unahitaji mazingira salama ya mjadala, ambapo kila mmoja anaweza kuongea kwa uhuru na uwazi, bila woga wala wasiwasi wa kulipiziwa kisasi,” alisema.

Alisema kwa sasa kuna changamoto nyingi tangu miaka 20 ipite ya maadhimisho hayo, sababu waandishi wengi wamekuwa walengwa wa mara kwa mara wa vitendo vya vurugu.

“Zaidi ya waandishi wa habari 600 duniani wameuawa katika miaka kumi iliyopita wengi wao wakiwa kazini kuripoti tena kwenye maeneo ambayo hayana vurugu,”alisema.

Jukwaa wa Wakristo Tanzania lamtaka JK kutoa msimamo wa kisheria kwa Uislamu,Ukristo

Jukwaa wa Wakristo Tanzania limemtaka Rais Jakaya Kikwete kutoa msimamo wake kisheria ambao utaleta upatanisho kati ya waumini wa dini ya Kiislamu na Kikristo.

Jukwaa hilo limesema kauli iliyotolewa na rais juzi wakati wa sherehe za Mei Mosi, Mbeya ya kutaka Watanzania waishi kama zamani ina utata kwa sababu imetafsiriwa tofauti na baadhi ya Watanzania.

Hivi karibuni Rais Kikwete wakati akizungumza kwenye sherehe za Mei Mosi alisema Serikali bado inaendelea kuzungumza na viongozi wa dini wa pande zote na kuwaunganisha ili kuona maelewano yanarejea kama ilivyokuwa zamani na kuwataka Watanzania waendelee kuishi bila kubaguana au kuchukiana kwa dini zao.

Akizungumza jana, Mwenyekiti wa jukwaa hilo, Askofu Tarcisius Ngalalekumtwa ambaye pia ni Rais wa Baraza la Maaskofu wa Kikatoli Tanzania (TEC), alisema licha ya maneno hayo kuwa mazuri lakini bado kuna utata kwa sababu baadhi ya raia wameingiwa na wasiwasi.

Alisema maeneo mengine wakristo hawali nyama kwa sababu hawataki kulazimishwa kula nyama zilizochinjwa kwa ibada za kiislamu na kwamba suala hilo siyo dogo kama wengine wanavyofikiri kwa sababu limegharimu maisha ya watu.

Alisema licha ya kuwapo kwa kauli za uchochezi wa kuwaua viongozi wa dini ya kikristo,kuchoma makanisa na mauaji ya viongozi wa kikristo bado hazijafutwa wala waliozitoa hawajakamatwa na kwamba hawajui kinachoendelea.

Mwenyekiti huyo alisema madai ya msingi ya waislamu yaliyosababisha waanzishe vurugu na mauaji hayajajibiwa na Serikali huku maswali yaliyoulizwa na wakristo kutokana na madai hayo na vurugu hizo nayo yakiwa hajayajibiwa.

Alisema licha ya kukutana na Rais Kikwete Aprili 23, mwaka huu ambaye alihimiza viongozi wa wakristo na waislamu wakutane ili kuondoa tofauti zao zisizo za kiimani lakini bado wanasubiri maelekezo toka serikalini kwani ajenda ya uvunjifu wa amani viongozi wa dini hawawezi kuizungumzia kwa sasa bila majibu ya Serikali kwa madai yaliyozua uvunjifu huo wa amani.

Allen Mwamwaja na Uzinduzi wa Album ndani ya Kijitonyama

Kiingilio ni Bure

AFLEWO TANZANIA 2013 YAFANA

Mkesha Mkubwa Tanzania wa Kusifu na Kuabudu AFLEWO (Africa Lets Worship) umefanyika vizuri katika kanisa la BCIC likiudhuliwa  na Maelfu ya watu kutoka maeneo mbalimbali ya Jiji la Dar es salaam na Mikoa ya Jirani kama Moshi,Mwanza na Mingine,

Mkesha wa AFLEWO ulifunguliwa kwa Maombi na Askofu Silvester Gamanywa wa Wapo Mission International akifungua kwa maombi na kuwa ameufungua rasmi ukianza Kwa sifa na Kuabudu.

Watumishi wa Mungu kutoka Makanisa Mbalimbali walikuwepo katika Mkesha huo kuhakikisha wanaumuika na Kufanya kitu kimoja kwa ajili ya mwili wa Kristo katika Taifa la Tanzania.

Bishop Silvester Gamanywa wa Wapo Mission International akifungua Mkesha wa AFLEWO kwa maombi.BCIC Mbezi Beach

Pastor Ferdie Kyara akihubiri Neno katika Mkesha wa AFLEWO TANZANIA

Fullshangwe....

Pastor Gal with Kagaruki

AFLEWO Patron Pastor Abel Orgenes

Tanzania Shall never Be the Same,,,,

Majembe ya Bwana Ma MC wa Event

Praise Team Kutoka Moshi

Dance

The Voice

AFLEWO Tanzania kuomba kwa ajili ya Viongozi wa Serikali na Dini

Katika kuelekea Mkesha Mkubwa wa AFLEWO Tanzania ikiwa imebaki siku moja kufanyika Baadhi ya viongozi wamezungumza mbele ya waandishi wa habari kuhusianana Mkesha huo pale DPC Kinondoni.

 Maandalizi yamekamilika kwa asilimia 90 mpaka sasa kuanzi Mass Choir hadi mambo mengine,hivyo kilicho baki ni kuanza Mkesha huo Kesho saa 3:00 kamili usiku BCIC Mbezi Beach (Kituo cha Jogooo) katika kanisa la Bishop Gamanywa wa Wapo Mission International 

Katika Mkesha huo kunategemewa kuwa na wageni kutoka Nchi za jirani na mikoa ya jirani kama Mwanza,Moshi,Arusha na mahala pengine nje ya Jiji la Dar es salaam.

Mkesha Mkubwa wa AFLEWO utakuwa na kusifu na Kuabudu na Maombi kwa Taifa na Viongozi wa Nchi pia kuomba kwa ajili ya Viongozi wa Dini zote ukizingatia kama Taifa tunapitia katika changamoto na tofauti za kidini,hivyo tuna hitaji kwenda mbele za Mungu kwa mambio katika Mkesha wa AFLEWO Tanzania,Alisema hayo Pastor Fredie Kyara alipokuwa akizungumza na waandishi wa habari.

Walio Pichani Kushoto ni Samuel Sasali, Mkurugenzi wa Habari Aflewo, Bishop Freddie Japhet Kyara Mlezi Wa Aflewo Tanzania, Pastor Paul Safari Mlezi wa Aflewo Tanzania, Samuel Rodin Mwangati Music Director wa Aflewo.

 Bishop Freddie Japhet Kyara Mlezi Wa Aflewo Tanzania akizungumza na waandishi wa kwa msisitizo na kuhusu Mkesha huo

Samuel Sasali, Mkurugenzi wa Habari Aflewo, Bishop Freddie Japhet Kyara Mlezi Wa Aflewo Tanzania, Pastor Paul Safari Mlezi wa Aflewo Tanzania, Samuel Rodin Mwangati Music Director wa Aflewo.

Serikali kutunga sheria kudhibiti uhalifu mtandaoni

Serikali inatarajia kuwasilisha bungeni,muswada wa sheria itakayodhibiti na kulinda taarifa za watu binafsi wanapowasiliana kwa simu za mkononi na kwenye intaneti.

Akifungua mkutano wa mwaka wa benki na wadau wa kupambana na uhalifu kwa kutumia mitandao, Mkurugenzi wa Teknolojia wa Wizara ya Mawasiliano, Sayansi na Teknolojia, Dk Zaipuna Yonah, alisema kuwapo kwa sheria hiyo kutasaidia kuzuia watu kufuatilia mawasiliano binafsi katika mitandao ya simu na hata mawasiliano ya njia ya baruapepe.

Hivi karibuni kumekuwa na matukio kadhaa ya watu kuweka hadharani na hata kuchapisha mawasiliano ya watukatika magazeti na mitandao ya kijamii, kitendo ambacho kimelalamikiwa.

Miswada inayoandaliwa ni pamoja na sheria ya kulinda mawasiliano ya mtu binafsi, sheria ya kusimamia uhamishaji wa fedha kwa njia ya simu na sheria ya kushughulikia wale wanaofanya uhalifu kwa kutumia kompyuta.

Yonah alisema wanataka kuona sheria hizo zikipitishwa katika kipindi cha mwaka mmoja.
“Mapendekezo haya, hata hivyo, yana changamoto zake kwa kuwa sheria hizo zinaingiliana na utendaji wa vyombo vya habari.

“Kuna tatizo kwa kuwa unavyotaka kuzuia habari, vyombo vya habari navyo vinataka habari,” aliongeza.

Alisema mbali na kupendekeza kuwapo kwa sheria zitakazoratibu huduma ya mitandao nchini, Serikali pia inatarajia kuunda chombo kitakachokuwa kikisimamia watoa huduma wa mitandao kwa kuwapa vyeti vya utambuzi wa kazi zao.

“Tunatarajia kuwa na timu ya wataalamu wa kompyuta ambao watakuwa wanashughulikia iwapo kuna matatizo ya uhalifu wa kimtandao,” alisema.

Dk Yonah alisema Serikali imechukua hatua hizo kutokana na kupokea malalamiko mengi ya watu walioathirika na uhalifu wanaofanyiwa kupitia kwenye mitandao ya kompyuta.

Pia katika siku za karibuni kumejitokeza tatizo la wizi kwa njia ya ATM na hata kwenye uhamishaji fedha kwa njia ya simu za mikononi.

Akizungumzia mada juu ya mwelekeo wa malipo kwa njia ya teknolojia kwenye masoko yanayochipukia, Makamu wa Rais wa VeriFone kwa nchi za Afrika Mashariki na Kati, Martin Holloway, alisema asilimia 10 ya watu wa eneo hili wanamiliki akaunti za benki wakati asilimia 60 wanamiliki simu za mkononi hivyo yanahitajika marekebisho ya haraka katika kudhibiti uhamishaji holela wa fedha kwa njia ya mtandao.

Alisema kwa mujibu wa ripoti iliyotolewa na Taasisi ya Data Breach ya mwaka 2011, asilimia 78 ya uhalifu uliofanyika duniani kote ulihusu kuhamisha malipo kwa njia ya kompyuta au kwa njia ya simu za mikononi

Rais Kikwete awaongoza watanzania Katika Maadhimisho ya Miaka 49 ya Muungano

SIKU 14 ZA UPENYO WA KIMUNGU SPCT ZANZIBAR HALL

Upo Mungu-Mbomby Johnson